stro ku alum besambung, i mean alum be install periuknya. so yang dapat ditonton setiap ari hanyalah aRTiBi2. Patut pon kawanku becerita, sipun inda tedapat stro, anak-anaknya melakat di tv.
Jangan inda pecaya, tv ketani udah canggih tayangannya, ada heroes, 24, prison break, the office, house, alias dan macam-macam lagi (walaupun kebanyakannya season 1). Ada korea, hindustan, Jepun, mexico, you name it, we got it 
one sunday, I (unexpectedly) spent the whole day watching aRTiBi2, mula-mula korea, lapas atu industan, lapas atu mexico hahahaha macam inda pecaya i did that.
sudah tah menarik rancangannya, cali lagi... memang menghiburkan apatah lagi meliat promo dan iklan.
iklan seatbelt: pasenger menari-nari sebelum masuk kereta, inda mau masang seatbelt. Tiba-tiba pemandu brake mengajut, kedua-duanya tehantuk ke dapan. Kan halnya... napa tah pemandu yang pakai seat belt atu tehantuk jua, patutnya ia pakai seatbelt, ia selamat lah.
iklan kesihatan: cara-cara hidup sehat "jauhkan letak kereta anda dari tempat yang dituju" (or so so lah) bukan sepatutnya, "letakkan kereta awda di tempat yang jauh" kah seumpanya lah???
iklan bahaya rokok 1: seorang lelaki menampal poster besigup, datang lelaki lain mengoyak. Salah-salah liat, macam orang yang pertama atu menampal iklan jgn besigup dan yang kedua atu marah ia menampal
iklan bahaya rokok 2: scene di sebuah gym, seorang lelaki keluar, beberapa orang gadis menguyung. laki-laki besigup, dan gadis-gadis atu, rupanya kan ngurat, inda jadi sambil berkata "besigup.. inda lawa eh", close up muka laki-laki besigup. Ha!! pebaik tah inda ia besigup, andang jua inda lawa
iklan menyabarang jalan, seorang laki-laki menunggu wanita tua menyabarang, hahaha laki bini kali ah, tapi bukan atu pulang calinya, inda payah tah belakon jadi orang tua, napa kan? orang muda kalau lintas jalan boleh dilanggar kah??
banyak lagilah iklan yang cali-cali cum patetic cani, rajin-rajin saja liat aRTiBi
tapi ada jua iklan yang cali banar yang patut dipuji kreativitinya, macam iklan bahaya rokok, kanak-kanak yang menyamar jadi orang tua dengan memasang kumis palsu, inda sadar kumisnya tanggal sebalah, hahahaha cali cali
saja kan bekunyanyang 
